سعد باشا زغلول

سعد زغلول

[ندعوك للتسجيل في المنتدى أو التعريف بنفسك لمعاينة هذه الصورة]

سعد زغلول
سعد زغلول (سعد باشا زغلول) (ابيانه ، مركز فوه ، كفر الشيخ ، 1859 - 23 أغسطس 1927) كان سياسى مصرى. و كان رئيس وزراء مصر فى الفترة من 26 يناير 1924 ليوم 24 نوفمبر1924.

اتولد سعد زغلول فى قرية إبيانة فى محافظة الغربية فى الدلتا ، دلوقتى أبيانة تبع محافظة كفر الشيخ، وسعد زغلول قاد حزب القوة الوطنية حزب الوفد في مصر ، اللى طالب بالاستقلال. البريطانيين حاولو إضعاف قضية القومية من خلال اعتقال زغلول ،لكن ده كان نتيجته احتجاجات ، و العصيان المدنى و أعمال شغب. يعتبر من مؤسيين الليبرالية فى مصر.


الوفد المصرى

بعدما انتهت الحرب العالمية الاولى , قرر سعد زغلول انه يكون وفد مصرى عشان يدافع عن فكرة استقلال مصر من الاحتلال الانجليزى ويحضر مؤتمر الصلح اللى كان فى باريس , فرنسا فى سنة 1918, وده معناه ان مصر مستقلة ومش تابعة للانجليز . ودعا الناس عشان يكونوا وفد من السياسين والمثقفين المصرين عشان يمثلوا الشعب المصرى و بدئوا فعلا يلموا توقيعات من الناس والسياسين والمثقفين عشان يبقوا ممثلين رسمين للشعب وكان معه فى الوفد مصطفى النحاس و مكرم عبيد و احمد لطفى السيد و عبد العزيز فهمى و علي شعراوي وسموا نفسهم الوفد المصرى. و كان نص اللى اتكتب بيه كان "نحن الموقعين على هذا قد أنبنا عنا حضرات: سعد زغلول و.... في أن يسعوا بالطرق السلمية المشروعة حيثما وجدوا للسعي سبيلاً في استقلال مصر تطبيقاً لمبادئ الحرية والعدل التي تنشر رايتها دولة بريطانيا العظمى".

الانجليز رفضوا سفر الوفد المصرى عشان كده ده اعتراف ان مصر دولة مستقلة. اتقبض على سعد زغلول و بقية اعضاء الوفد المصرى و اتنفوا لجزيرة مالطا فى سنة 1919 وده اللى كان سبب قيام الثورة .

ثورة 1919

[ندعوك للتسجيل في المنتدى أو التعريف بنفسك لمعاينة هذه الصورة]

يوم 9 مارس 1919 ،ابتدت في مصر الثورة بعد نفى سعد زغلول و بدئت اللى المصريين بيسموها "الثورة الاولى" و ابتدت مظاهرات احتجاج في القاهرة ، و انتشرت بسرعه فى كل مصر. وشاركت فى الثورة دى كل طوائف و فئات الشعب المصرى و شاركت الستات لاول مرة فى تاريخ مصر فى المظاهرات بقيادة مرات سعد زغلول صفية زغلول. وكانت الناس بتخطب فى كل حته وتطالب بعودة سعد زغلول والاستقلال و ان الانجليز يغلوا الاحكام العرفية اللى فرضوها على المصرين وكان الشيوخ يروحوا يخطبوا فى الكنائس و القساوسة يرحوا يخبطوا فى الجوامع دليل ان كل الشعب له هدف و فكرة واحدة. بعد احداث الثورة دى, الانجليز رجعوا الوفد المصرى و لغوا الاحكام العرفية و وعدوا المصرين بالاستقلال بعد 3 سنين بس بشرط ان القوات الانجليزية تفضل موجودة, وده اللى حصل فعلا.

من أشهر كلماته

الحق فوق القوه و الأمه فوق الحكومة.
إن اختلاف الرأى لا يفسد للود قضية.
الامة مصدر السلطات
[تعديل]الأسرة

مراته صفية زغلول ، بنت مصطفى فهمى باشا ، كانت نشيطة فى مجال السياسه و الثوره النسائيه و اتسمت " أم المصرين " . اتعرف بيتها ببيت الامه عشان كان بيجتمع فيه سعد زغلول مع الناس لمناقشة مطالب الشعب.


[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]