أجمــــــــــل ما فيهم للشاعر صلاح جاهين

من ديوان قصائد صلاح جاهين للشاعر صلاح جاهين
أجمــــــــــل ما فيهم

يا بنت يام المريله كحلى ،
يا شمس طلله ، و طالله م الكواله ،
لو قلت عنك فى الغزل قوله ،
ممنوع عليا ، و الا مسموح لى ؟

أنا احب اقول الشعر فى الحلوين ،
و الحلو اقوله : يا حلو فى عيونه ،
و لو ابتديت بشفايفك النونو ،
ما يكفنيش فيهم سبع دواوين !
يا ملاك يا جنيه ، يا ست الحسن ،
يعجبنى توهانك فى أحلامك ،
يعجببنى شد الخصر بحزامك ،
يعجبنى أخدك للكتب بالحضن .

.. .. راحوا الصبايا ، و الصايا جم ،
أجمل ما فيهم مين ، غير بنتى ؟
و أجمل ما فيكى يا بنتى ، ان أنتى ،
فى عنيكى من نينتى .. .. حنان الأم !