الأدب للشاعر صلاح جاهين

من ديوان قصائد صلاح جاهين للشاعر صلاح جاهين
الأدب

العلم قال
أن العيال ،
يلزم لانتاجهم رجال ،
ويّا النسا
و ايه كمان العلم قال .. .. ؟
قال لك ضرورى شخص واحد بس ، علشان كل طفل
و ضرورى باب ،
و ضرورى قفل ،
و ضرورى حب ، انشالله ثانية .
ده ف بند حفظ النوع .. ..
لكين بقى فى الأدب ،
قريت ( نهاية الأرب )
و فلاسفة مش من العرب ، و من العرب ،
و كاهم قالوا الكتاب
له فن تانى ، فن معروف من زمان .
يا فرانسواز هانم ساجان .. .. !