حملة على تويتر تحاول اكتشاف لماذا تأخر صدور الإعلان الدستورى؟

حملة على تويتر تحاول اكتشاف لماذا تأخر صدور الإعلان الدستورى؟

بعد صدور نتائج الاستفتاء على التعديلات الدستورية، أصدر المجلس الأعلى للقوات المسلحة بيانًا يتضمن قرارًا بإصدار إعلان دستوري، لتنظيم السلطات في المرحلة الانتقالية القادمة، يتضمن أحكام المواد التي وافق عليها الشعب للعمل بمقتضاها، وذلك لحين الانتهاء من انتخاب السلطة التشريعية وانتخاب رئيس الجمهورية.
وقد أثار تأخير صدور الإعلان اهتمام المصريين على شبكات التواصل الاجتماعى، فدشن الشباب حملة طريفة على موقع تويتر حاولوا من خلالها اكتشاف أسباب تأخر صدور الإعلان الدستورى حتى الآن من وجهة نظرهم وكان من أهم تلك الأسباب:
- الدستور تايه وبيدوروا عليه.
- لسه الإعلان بيتصور أو مش لاقيين قناة يذيعوا فيها الإعلان.
- مستنيين طارق نور يرجع من السفر عشان يخرج الإعلان.
- خايفين من غزوة الدساتير بعد غزوة الصناديق.
- بدل ما يطلعوا قانون حجب التظاهر طلعوا قانون حجب الدستور.
- اختلاف علماء الأزهر على حكم الترقيع.
- ممكن يكونوا نسيوا الباسوورد بتاع صفحة المجلس علي الفيس بوك.
- بيعملوا صفقة مع القرد بتاع حملة موبينيل عشان يعمل الإعلان
- جمال مروان غيَّر شعار الحملة لـ "ميلودي تتحدى الترقيع".
- لأنه فيه صراع بين الفراغ والإعلان على الدستور كل واحدة عايزاه و مش عارف يعمل ايه الراجل بصراحة.
-عشان الكدب حصري علي التليفزيون المصري .
- بيدوروا على الراجل اللى هيقف ورا الراجل اللى هيقول الإعلان.
- لما يحس بالاستقرار هيطلع.
- أصله جملى ولسة بيستوى.
- شكلهم ناويين يذيعوا الإعلان الدستورى فى رمضان عشان نسبة المشاهدة تكون عالية .
- عشان مش عارفين يكتبوا المادة التانية بـ "ال" ولا من غير.
- ناويين يعلنوا مادة مادة عشان الاستقرار ميتهزش.
- خايفين عالاستقرار و عشان العجله تدور.
- لحد ما الناس تستوعب الإعلان اللى قال انه هيكون فيه إعلان دستورى .
- بعد النجاح الساحق لتأثير الشيوخ فى الاستفتاء قرروا يحطوا دستور إسلامى.
- معهومش فلوس يطلعوه فى التليفزيون .
- يا جماعة مينفعش يعملوا اعلان دستوري عشان ابراهيم عيسى يمتلك حقوق الملكية الفكرية للدستور الأصلي.
- عشان طلعت فتوى إن الاعلان الدستورى حرام شرعا.
- منتظرين توقيع الرئيس عليه.
- بيدلعوا علينا أصل رصيدهم لدينا يسمح.
- بيعملولنا حبة ساسبينس.
- مرتضى منصور ماسك عليه ملفات .
- في تعديلات أخيرة على التعديلات المعدلة اللى عدلت بموجب التعديلات المتعدلة اللي الشعب قال نعدلها ولا منعدلهاش
- الخياط اللى هيرقع لسه مجاش .
- بيصلوا استخارة ولسة ما أخدوش قرار.
- اللي معاه الإعلان اتمسك فى حظر التجول .
- خطتهم هيه اننا نزهق فلما يعلنوه نفرح أكتر منهم بتفاصيله .
- مفيش مواصلات.
- مستنيين لما إيناس الدغيدي تمشي من البلد .
- حسن شحاتة هايعلنو لما يرجع من جنوب إفريقيا .
- نسيوا التعديلات كانت إية .
- مزنوق على كوبري 6 أكتوبر .
- عشان احتمال نقضيها باعلان شيبسيكو.
- كل مايحاولوا يلصموه من ناحية يبوظ من الناحية التانية.
- مستنيين كام فنان عشان الاعلان يطلع تمام.
- خايف من الثورة المضادة وغزوات يعقوب .
- زعلان من الـ22.8% اللى قالوا "لا" وبيربيهم .
- قالك يا عم انا مالى الشعب ده بيسقط الدساتير وبيقول عليها مرقعة.
- مفيش حد فاضي يقوله من المجلس.
- مستني إعلانات الشرطة بتاعة اطمن تخف شوية عشان عاملة زحمة ع الـ"تي في" .
- مستني إمضاء اتنين موظفين.
- عشان لسة محدش قال احم دستور.
- بيلعب مع صحابه الدساتير.
- هيعملوا الدستور إعلانات وبوسترات وهيبقى عندنا بوستر دستورى.
- بيدور على البلوفر بتاعه.
- جعان ناوي ياكل بيتزا وكيلو كباب وكام ريشة كدا عالسريع مع طنط عفاف و ييجي.
- المجلس مش فاهم التعديلات ويتم الاستعانة بخبير التشفير العالمي فتحي سرور فتوح لفك طلاسم الدستور .
- الرقابة رفضت إنه يطلع وهو مرقع.
- بيمشي في الجزمة الأول.
- مش راضي ينزل الا لما أنكل شفيق يجيبله بونبوني.
- يهيب المجلس الأعلى بالمواطنين .. على من يجد الإعلان الدستوري أن يسلمه فورًا إلى القوات المسلحة.
- أمن الدولة فرمته بالغلط مع المستندات.
- لسه مش متعود ع الجو بتاع الاستقرار.
- طلع مش دستور .. ولا دستورة يعنى تقدر تقول كدة نصف دستور و نصف إعلان .
- ناوين ينزلوا هما وسوريا وليبيا واليمن مع بعض ومستنيين القذافى لما يتنحى .
- لما الجزيرة تفضى تعلن عنه.
- سوق على مهلك سوووق خلى الاستقرار يرووق خلوة ياخد راحته يا "كماعة".
- وعندك واحد اعلان دستوري ماده بره وواحده مكرر وعلي صفحه بيضا وملحق معاه تعديلاته .
- كل تأخيرة و فيها خيرة.
- يعنى احنا كده فعلا قاعدين فى الفراغ الدستورى !! كل واحد ياخد باله ياجماعة .
- خلو المادة التانية رقم واحد و خايفين الشعب يفتكر انها اتلغت.
- هينزل واحد إبريل، عشان لو معجبناش حاجة فيه يقولوا لنا دى كذبة إبريل وكل عام وإنتم بخير.
- مستنيين تامر بتاع غمرة عشان يذيعه.
- يكونش الجيش خايف يطلع الاعلان وميلقاش حاجه يعملها بعد كده .
- لغوا الإعلان الدستوري وهيعملوا فيلم دستوري.
- السادة المواطنون: الإعلان الدستوري في مرحلة المونتاج، والله الموفق.
- الدستوري غيره مفيش ... ركب تندة و لا شيش ... خلي الوطني مايدخليش ... و الاحزاب ماتشوفنيش.
- تقريبا هيطلعوه مع الصيفي بعد ما يرقعوه ويظبطوه ويبقى جاهز عشان الشعب يلبسه إن شاء الله بالهنا والشفا.
- خايفين عليه يتحسد يتحقد يتنظر كدة يعني .
- كوفرتينا دى شيكولاتة .. موافقين .. خدو الدستور و خلونى ع البلاطة، كوفرتينا فى الصباحية .. قولت نعم و نصبو عليا ، كوفرتينا ع العريس .. موافقين .. الدستور جاى فى أتوبيس ، كوفرتينا كمان و كمان .. خدو منى الدستور وحلقولى فى الإعلان.

[ندعوك للتسجيل في المنتدى أو التعريف بنفسك لمعاينة هذا الرابط]