كيفية أختيار الأقمشة المناسبة ؟!

كيفية أختيار الأقمشة المناسبة ؟!

الأقمشة أنواع كثيرة .. وكلها تناسبنا وتخلينا حلوات ..
حتى الممتلئة إذا لبست ساتان يطلع عليها حلو لأنه يعتمد على الموديل ..
لكن نقطة الأختلاف هو اللون ل القماش ومدى سماكته ..
وحتى الألوان كلها تناسبنا سواء سمراء أو فاتحة أو بيضاء .. درجة اللون هي اللي تحكمنا ..
ممكن أكون شديدة الأسمرار وأحب اللون الأصفر .. ماأختار الدرجة الفاقعه أو الأصفر المبهج ..
أختار الأصفر الفاتح الباهت حبتين عشان يعطي لي أناقه وفخامة أكثر ..
ونفس الشيء على الفتاه صاحبة البشرة البيضاء ..
حلو عليك الأحمر و الأزرق .. لكن أختار الدرجات القاتمة مثل الأحمر العنابي ، الأزرق الكحلي ..
وبقية الألوان نفس الطريقه أختار اللي يظهرني بمظهر راقي وفخم .. لكن مو يخليني
بشكل بهرجه ..
أيضا ً أختيار الأقمشة يعتمد على الموسم والموضة ..
بغض النظر عن بعض الأقمشة اللي تكون دائمة وماتتغير موضتها ..

هناك نوعين من الأقمشة :
- الخفيفه البراقه .
- الثقيلة الملكية .

ليه قلت خفيفه براقة وثقيلة ملكية ..!
الخفيفه تشمل [ الدانتيل ، الشيفون ، الحرير ، الساتان ، تفته ، .... ]
و أغلبها بهذي الألوان [ أحمر ، أصفر ، وردي ، برتقالي ، ... ]
و دائما ً تجي مشكوكه وفيها أنواع من الخرز والكريستالات واللؤلؤ ..
فغالبا ً الأقمشة الخفيفه هي اللي تكون تلمع وتعطي بريق ..
ونادرا ًما تجي فيها التطريزات لأنها للأقمشة الثقيلة ..

لكن الأقمشة الثقيلة وهي اللي يقولون عليها ملكية ..
تشمل [ المخمل ، الكاتان ، الكشمير ، بوليستر ، صوف ، ... ]
وأغلبها بهذي الألوان [ الأسود ، الأبيض ، الذهبي ، الرمادي ، الكحلي ، الأخضر ، البني ، ... ]
و يطلقون عليها ملكية لأنها فخمة وصعبه إنك تحطينها بالفساتين بسهوله .
ولا إنك تشملينها بتفصيل من عندك بسهوله ..
لأنها ممكن تعدم لك القطعه إذا وضعت بشكل سيء ..
وممكن ترفع لك القطعه فوق لو وضعت بشكل راقي وفخم ومناسب ..
هذي الأقمشة الثقيلة والألوان الداكنه يجي معاها التطريز بشكل ملائم ..
وتعطي فاخمة وشكل رائع وملفت بنفس الوقت ..

أيضا ً الموسم يتحكم في أختيارك للقماش وللألوان ..
فيه ألوان وأقمشة بديهيا ً ماتستعمل في الصيف أو الشتاء ..
الخيار يعود للمتسوقه في أختيار مايناسبها في كلا الحالتين ..