احمد الشبكى يكتب ماسك فى نغمة الحرمان

Administrator سجل بتاريخ : 14/12/2010 عدد المساهمات : 211

احمد الشبكى يكتب ماسك فى نغمة الحرمان

ماسك فى نغمة الحرمان

بقلم : احمد الشبكى

يا أخى كله بيعدى . مالك طنش ومشي أمورك . معلش جرى ايه يعنى . يعني هى دى الازمة.

الجمل دى وغيرها كتير ممكن ممكن تستعملها مع ناس حوالليك ، وتستنكرها لو اتقالت ليك . وغالبا تكون سبب فى انهاء وقتل مشاعر واحاسيس و طموح وامال اشخاص انت عايش فى وسطهم ، فمش ضرورى كل الحاجات اللى انت شايفها تكون نفسها بنفس الحجم والاهميه عن اشخاص تانيين .

انت تعرف ان فى ناس بتهتم جدا انها تحتفظ بالشنطه اللى جالهم فى هدايا ويهتموا بها زى اهتمامهم بالهدايا بالظبط ؟ فى ناس كتير كده مش ضرورى لو انت مش مهتم بالحاجه دى تسخر منهم وتقلل من اهمية الموضوع ده ، ممكن يكون اهتماماتك غير اهتماماته ، الاهتمام بالتفاصيل بيتعب ناس كتير بس فى الغالب بتبقي دى جزء من حياتهم وليها جمالها عندهم ، فلو انت التفاصيل مش حاجه ضروريه عندك بلاش تجرح غيرك وتقلل منها ، وخصوصا انه لو حصل ومهتمش اي حد باى حاجه تخصك ممكن تقلب الدنيا ومش هتهدى .وتتهمه بانه مش مهتم بيك و و و ... الخ

ناخد من كلمات الرائع ايمن بهجت قمر فى اغنيه عمرو دياب " نغمة الحرمان " مثال ، معظم الناس عجبتهم الاغنيه فى طريقه الاداء والكلمات اللى بتعتبر حالة جديدة ، ولكن تعالي نحلل كده الكلمات بشكل سريع هنلاقي الكلمات بتبدا بـ " ماسكلي في نغمة الحرمان وعمال تشكي وتهول لا فرق اللي انت شوفته زمان ولا الحلو اللي في الأول " بكل بساطه لخص مشوار طويل بان لسته الحرمان اللى عماله تتغنى علطول وعماله تتكرر وتتكبر وتتهول بيتسقط فى وسطها الحلو كله ، يعني من الاخر عمال يعمل مونتاج للشريط بتاع الحياه ويشيل منه الحاجات الحلوه ويعمل شريط ينكد بيه على نفسه وعلى اللى حواليه ، لدرجه انه ختم الجمله بطريقه يعبر فيها عن الزهق وعدم التحمل لنفس الاسطوانه فكتب بعدها " وجعتك ده انت توجع بلد في ايه هو انت اشتريتني " وكأنه عايز يقوله هو يا اخى انت بنى أدم بتحس وعندك مشاعر وانا مش من لحم ودم برضه .

والملخص ان مفيش انسان كامل وفيه كل حاجه حلوه وزى الفل، كل واحد جواه الحلو والوحش ؛ ولو انت بتشتكى من الوحش اللى فى غيرك ، يبقي من حقه برضه انه يقول الوحش اللى فيك ، بس ساعتها متغنيش له نغمه الحرمان وتنسى انه كان مشغلها ليك قبل كده ، يريت محدش يفتكر الاحساس والمشاعر والاهتمام لما يكون مفتقدها ، ياريت يفتكرها برضه لما يكون مقصر فيها .

من كتاب اشتغل على نفسك متشتغلش نفسك وفى جزء الاحساس رايح جاى ، كتبت " اعلم ان المشاعر والاحاسيس فى اتجاهيين ، فابحث فيما تقدمة منها مثلما تدقق فيما تستقبله لها .

المصدر [ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

» احمد الشبكى يكتب قصة وحكمو
» احمد الشبكى يكتب: الكلام والافعال
» احمد الشبكى يكتب طلعت انا الازمة