احمد حسنين باشا

احمد حسنين باشا


احمد حسنين باشا
أحمد حسنين باشا (1889 - 9 فبراير 1946)، كان رحاله و مستكشف و رياضى و سياسى مصرى. اتعلم فى القاهره، مصر ، و اكسفورد، انجلترا. عمل رحله استكشافيه فى صحرة مصر الغربيه من ساحل البحر المتوسط لغاية دارفور، و كتب كتاب عن رحلته دى.اشتغل فى الاول مساعد مفتش بوزارة الداخليه وبعدين بقى امين للملك فؤاد فى سنة 1924 و حطه الملك فؤاد رائد للملك فاروق الاول لما راح الملك فاروق يدرس فى لندن فى اكتوبر 1935. واتولى رياسة الديوان الملكى المصرى فى سنة 1940.اتعرف عنه انه عنده مكر و دهاء سياسى كبير. اتجوز مرتين مرة من لطيفة هانم سرى بنت الأميرة شويكار مطلقة الملك فؤاد و بعدين طلقها و اتجوز بعد كدا من الملكة نازلى صبرى , ام الملك فاروق الاول, فى السر مع موافقه الملك فاروق الاول. احمد حسنين باشا كان رياضى و بطل فى لعبة السيف (الشيش) و كان رئيس الفريق المصرى في الألعاب الأوليمبية اللى كانت فى بروكسل فى سنة 1920. و مسك رئاسه النادى الاهلى و نادى السلاح الملكى.

وفاته

فى يوم 9 فبراير 1946 مات فى حدثة عربيه خبطت عربيته فوق كوبرى قصر النيل, كان فيه كلام عن تورط الانجليز و سير لامبسون فى تخطيط الحادثه عشان احمد حسنين اتسبب فى نقله من مصر بعد ما لامبسون امر بمحاصرة القصر الملكى و محولته لخلع الملك فى حادثة 4 فبراير 1942.